रिव्हॉल्व्हरच्या धाकावर गावात धुमाकुळ घालणा-याला अटक

तालुक्यातील साखरा येथे रिव्हॉल्व्हर चा धाक दाखवुन गावात धुमाकूळ घालणा-या ईसमास गावक-यांनी पकडुन पोलीसांच्या ताब्यात दिले. 

याबाबत सविस्तर वृत्त असे की, आरोपी विनु (मन्नु) वसंता झाडे (वय ३२) रा.घोटी हा सकाळी ८ वाजताच्या सुमारास राजुरवाडी (कोठा) येथे आला. त्याने देशी बनावटीच्या रिव्हॉल्व्हर चा धाक दाखवुन गोंधळ घालायला सुरूवात केली. गावातील त्याच्या एका नातेवाईकाच्या डोक्याला त्याने रिव्हॉल्व्हर लावुन धमकाविल्याचेही सांगण्यात येत आहे. एक व्यक्ती रिव्हॉल्व्हर घेऊन गावात धिंगाणा घालत असल्याची वार्ता गावक-यांमध्ये पसरताच लोकांनी एकत्र येऊन सदर ईसमाला पकडले. त्यानंतर पोलीसांना कळवुन त्याला ताब्यात देण्यात आले. आरोपीजवळ देशी बनावटीची रिव्हॉल्व्हर, देशी कट्टा काडतुसे व चाकु जप्त करण्यात आला. आरोपी विरूद्ध विवीध कलमान्वये गुन्हे दाखल करण्यात आले असुन तिन दिवसांची पोलीस कोठडी सुनावण्यात आली आहे.