गेल्या अनेक वर्षांपासुन सायतखर्डा परिसरातील शेतकरी व ग्रामस्थांच्या विवीध प्रलंबीत मागण्यांसाठी शेकडो नागरीकांनी तहसिलदार संतोष शिंदे यांना निवेदन दिले. विज वितरणच्या शिरोली कनिष्ठ अभियंता कार्यालयाने कोणतीही पुर्वसुचना न देता कृषी पंपांचा विद्युत पुरवठा खंडीत केला. त्यामुळे ओलीत बंद झाल्याने उभे पिक वाळुन जाण्याच्या मार्गावर आहे. तसेच गेल्या कित्येक दिवसांपासुन सायतखर्डा गाव व परिसरात कमी दाभाचा विज पुरवठा होत आहे. येथिल लाईनमन सतत गैरहजर राहात असल्यामुळे विजेबाबत अनेक अडचणी निर्माण होत आहेत. विज वितरण कंपनी मात्र या सर्व समस्यांकडे जाणीवपुर्वक दुर्लक्ष करीत असुन केवळ विज बिल वसुलीसाठीच तगादा लावत आहे. त्यामुळे या सर्व बाबींवर शासनाने नियंत्रण आणावे. शिवाय कापसाला उत्पादन खर्चानुसार किमान ६ हजार रूपये हमीभाव द्यावा अन्यथा तिव्र आंदोलन छेडण्याचा ईशारा पांडुरंग निकोडे, गजानन शेंडे, गजाजन लेनगुरे, गजानन चौधरी, रघुनाथ शेंडे, राजेश निकोडे, बंडु निकोडे, झोलबाजी लेनगुरे, श्रीराम बोरूले, तुकाराम मुनेश्वर, विनोद ठाकरे यांनी दिला आहे.
No comments:
Post a Comment