ट्रॅक्टरच्या जबर धडकेत दुचाकीस्वार तरूण जागीच ठार झाला तर दुसरा गंभिर जखमी झाल्याने त्याला यवतमाळच्या शासकीय रूग्णालयात दाखल करण्यात आले. विजय शामराव भलावी (२२) रा. विद्याभुवन वार्ड घाटी, घाटंजी असे मृताचे नाव आहे. तर मुन्ना अशोक ठाकरे हा जखमी आहे. काल (दि.२४) ला रात्री ९ वाजेदरम्यान हा अपघात झाला. घाटंजी वरून पारव्याकडे जाणा-या ट्रॅक्टर क्र. एम.एच.२९ सी.४२५२ ने विरूद्ध बाजुने येणा-या दुचाकी क्र.एम.एच.३१ ए.एन.५९०७ ला जबर धडक दिली. ही धडक एवढी जोरात होती की दुचाकी सुमारे २० फुटावर फेकल्या गेली. तर ट्रॅक्टर विजय याच्या अंगावरून गेल्याने विजय भलावी हा जागीच ठार झाला. अपघात झाल्यावर ट्रॅक्टरचालक फरार झाला.
विजय भलावी हा तरूण पोलीस भरतीची लेखी परिक्षा पास झाला होता. दोन दिवसांनी मौखिक परिक्षेसाठी तो गडचिरोली येथे जाणार होता असे समजते.
No comments:
Post a Comment