तालुक्यातील नारायणपेठ येथे विदर्भ क्षेत्रीय ग्रामिण बँक शाखा कुर्ली तर्फे कर्ज वितरण व ग्राहक मेळाव्याचे आयोजन करण्यात आले होते. कार्यक्रमाच्या अध्यक्षथानी बँकेचे क्षेत्रीय प्रबंधक बन्नोरे होते. प्रमुख पाहुण म्हणुन गटविकास अधिकारी अजय राठोड, पशुवैद्यकीय अधिकारी चव्हाण, रमेश आंबेपवार यांची उपस्थिती होती.
या मेळाव्यामध्ये प्राथमिक आरोग्य केंद्र पारवा यांचे सौजन्याने श्री.खडसे व श्री.चिंतावार यांनी रक्त तपासणी करून रक्तगट परिक्षण व सिकलसेल आजारासंबंधी मार्गदर्शन केले.
बँकेतर्पेâ नारायणपेठ येथे जयदादाजी शेतकरी मंडळ स्थापन करण्यात आले. त्याचे उद्घाटनही यावेळी करण्यात आले. या मेळाव्यात संयुक्त देयता गट नारायणपेठ व राजापेठ येथे स्थापन करण्यात आले. प्रत्येक गटामध्ये पाच सदस्य असे एकुण बाविस गट स्थापन करण्यात आले. प्रत्येक गटाला २ लाख ५० हजार याप्रमाणे एकुण ५५ लाख रूपयांच्या कर्जाचे वितरण करण्यात आले. यामध्ये गटातील प्रत्येक सदस्याला ५ हजार रूपये कर्ज मंजुर झाले ज्यामध्ये शौचालय व स्नानगृह बांधणे, सौर उर्जेवर चालणारे दिवे विकत घेणे, व्यक्तीगत व्यवसाय व विमा अशा खर्चाचा समावेश आहे. या कार्यक्रमाचे प्रास्ताविक व संचालन कुर्ली येथिल शाखा प्रबंधक प्रदिप बच्चुवार यांनी केले तर आभार प्रदर्शन श्री.उम्रतकर यांनी केले.
कार्यक्रमाच्या यशस्वीतेसाठी श्री.पुसनाके, काशिनाथ मेश्राम, दिपक सिडाम, सरपंच श्रिनिवास अंगावार, अरविंद कोंगलवार, वाघु रावते, संग्राम मुनेश्वर, किसन रावते, गजानन दपकलवार, भुमय्या बल्लावार, संतोष कोंगवार, भोजन्ना कोंगलवार, कुष्णा आबेपवार, सुदर्शन सवईवार, मल्लेशय, अजगर भाई, उर्मिला रावते, अंजु रावते, सुशिला मडगुलवार यांनी परिश्रम घेतले.
साभार :- देशोन्नती
No comments:
Post a Comment