घाटंजी पं.स.चे संजय पवार यांना उत्कृष्ट कृषी अधिकारी सन्मान

येथिल पंचायत समिती कार्यालयात कार्यरत कृषी अधिकारी संजय पवार यांना कृषीदिनी उत्कृष्ट कृषी अधिकारी म्हणुन सन्मानीत करण्यात आले. 

यवतमाळ येथिल वैद्यकीय महाविद्यालयाच्या श्रोतुगृहात कृषीदिनानिमित्य आयोजीत एका भव्य समारंभात त्यांना मान्यवरांच्या हस्ते गौरविण्यात आले. या कार्यक्रमाच्या अध्यक्षस्थानी जि.प.अध्यक्ष प्रविण देशमुख होते. तर उपाध्यक्ष ययाती नाईक, बांधकाम सभापती सुभाष ठोकळ, आरोग्य सभापती मनमोहनसिंग चव्हाण, महिला व बालकल्याण सभापती प्राजक्ता मानकर, जिल्हाधिकारी अश्विन मुद्गल, मुख्य कार्यकारी अधिकारी नवलकिशोर राम, जिल्हा कृषी अधिक्षक काशिनाथ तरकसे, कृषी विज्ञान केंद्राचे प्रमोद यादगिरवार, कृषी विकास अधिकारी अनिल इंगळे यांची यावेळी प्रमुख उपस्थिती होती. संजय पवार यांनी घाटंजी तालुक्यात शेतक-यांच्या हिताच्या दृष्टीने सजग राहुन कार्य केल्याने त्यांना हा पुरस्कार देण्यात आला. त्यांना मिळालेल्या या पुरस्काराबद्दल घाटंजी पंचायत समितीचे गटविकास अधिकारी रामचंद्र गेडाम, शाखा अभियंता आर.एच.लभाने, कृषी विस्तार अधिकारी राहुल डाखोरे, कार्यालय अधिक्षक  श्री. लतिफ, विस्तार अधिकारी योगेश उडाखे, डॉ.विलास देशमुख, ए.के.राजुरकर यांचेसह पंचायत समिती अधिकारी व कर्मचारी वर्गाने कौतुक केले आहे.
साभार :- देशोन्नती