घाटंजीत गजानन महाराज प्रगटदिनोत्सवाचे भव्य आयोजन

संत गजानन महाराज प्रगटदिनोत्सवाच्या निमित्ताने विवीध कार्यक्रमांचे आयोजन करण्यात आले आहे. दि.११ ते १४  फेब्रुवारी पर्यंत आध्यात्मिक कार्यक्रमांची रेलचेल घाटंजी शहरात राहणार आहे. या कालावधीत दररोज दुपारी २ ते ५ वाजेपर्यंत श्री गजानन विजय ग्रंथाचे पारायण करण्यात येणार आहे. उद्या सकाळी ६ वाजता कलश स्थापना, काकड आरती व श्रींच्या मुर्तीला अभिषेक करण्यात येईल. या तिन दिवसीय आध्यात्मिक उत्सवात मदन महाराज काठोळे यांचे रामायणावर प्रवचन, ह.भ.प. राजु महाराज विरदंडे यांचे किर्तन, ह.भ.प.विष्णु महाराज यांचे किर्तन, ह.भ.प.ज्ञानेश्वर महाराज व संचाचा भक्ती संगिताचा कार्यक्रम यासह होम हवन, हरिपाठ व सामुदायीक प्रार्थनेचे आयोजन करण्यात आले आहे. संत गजानन महाराजांच्या प्रगटदिनी १४  फेब्रुवारी ला दुपारी २ ते ४ 

पर्यंत महाप्रसादाचे वितरण करण्यात येईल. या दरम्यान दुपारी ३ ते ६ वाजेपर्यंत श्रींच्या पालखीची गावातून मिरवणुक काढण्यात येईल. श्री बलखंडी महाराज हरिपाठ मंडळ, वाई मेंढा यांचा काकडा व हरिपाठ, देवधरी मंडळाचा अखंड विणा, पार्डी (न), शिरोली, पांढुर्णा, जय बजरंग मंडळ (मांजर्डा), हरिपाठ मंडळ चिचघाट, तिवसाळा, श्री गजानन हरिपाठ मंडळ पहुर (न), पाटापांगरा, सायतखर्डा, हरिपाठ भजनी मंडळ शेंद्री यासह तालुक्यातील भजनी मंडळ या उत्सवात सहभागी होणार आहेत. 

या सर्व आयोजनाचा भाविकांनी लाभ घ्यावा असे आवाहन श्री.गजानन महाराज संस्थान, घाटंजी यांच्या वतीने करण्यात आले आहे.