नुकत्याच पार पडलेल्या जिल्हास्तरीय मैदानी क्रिडा स्पर्धांमध्ये विकासगंगा सामाजीक संस्था, पांढुर्णा खुर्द ता.घाटंजी या संस्थेच्या चार खेळाडूनी उत्कृष्ट कामगीरी केली असुन त्यांची विभागीय स्तरावर निवड झाली आहे. धावण्याच्या स्पर्धेत महिलांच्या खुल्या गटामध्ये माया भुरे हिने ४०० मिटर हर्डल्स मध्ये प्रथम क्रमांक पटकाविला. तर अश्विनी देठे ही १०० मिटर हर्डल्स मध्ये अव्वल आली. सपना वाढई, लक्ष्मी लेनगुरे यानी सुद्धा याच क्रिडा प्रकारात द्वितीय क्रमांक पटकावला. या सर्व खेळाडूंना तालुक्यातील राष्ट्रीय धावपटू राजन भुरे यांचे मार्गदर्शन लाभले. विकासगंगा संस्थेने ग्रामिण भागातील विद्यार्थी व खेळाडूंच्या क्षमता विकासासाठी केलेला हा प्रयत्न अत्यंत स्तुत्य असुन क्रिडा क्षेत्राच्या वाढीला पोषक ठरणारा आहे असे मत धावपटू राजन भुरे यांनी व्यक्त केले. तसेच खेळाडूंना दिलेल्या प्रोत्साहनाबद्दल त्यांनी विकासगंगा संस्थेचे अध्यक्ष रणजीत बोबडे यांच्याप्रती कृतज्ञता व्यक्त केली.
No comments:
Post a Comment