घाटंजी न.प.विषय समिती सभापतींची निवड

नगर परिषद अध्यक्ष, उपाध्यक्ष निवडीनंतर सर्वांचेच लक्ष लागुन असलेल्या विषय समिती सभापतींची आज निवड करण्यात आली. सर्वात महत्वाच्या असलेल्या बांधकाम सभापती पदावर कॉंग्रेसचे परेश कारीया यांची वर्णी लागली. तर शिक्षण सभापतीपदावर रा.कॉ.चे राम खांडरे यांची निवड झाली. महिला व बालकल्याण सभापतीपदी शोभा ठाकरे तर उपसभापतीपदी सिमा डंभारे यांची निवड झाली. पाणीपुरवठा सभापतीपदी रा.कॉ.चे अकबर तंव्वर व आरोग्य सभापतीपदी संगिता भुरे यांची निवड करण्यात आली. विषय समित्यांमध्ये कॉंग्रेस व राष्ट्रवादी कॉंग्रेसला बरोबरीचा वाटा मिळाला. पीठासीन अधिकारी म्हणुन उपविभागीय अधिकारी एस.डी.खांदे तर सहाय्यक म्हणुन मुख्याधिकारी गिरीष बन्नोरे यांनी काम पाहिले. यावेळी नगराध्यक्ष जगदिश पंजाबी यांचेसह सर्व नवनिर्वाचीत नगरसेवकांची उपस्थिती होती.

घाटंजीत रा.कॉ. व कॉंग्रेस मध्ये थेट लढत

सेना भाजप महायुतीचा फुसका बार

नगर परिषदेची निवडणुक आता अवघ्या एका दिवसावर येऊन ठेपली असुन जाहिर प्रचार थांबला असला तरी उमेदवार व त्यांच्या कार्यकर्त्यांच्या गृहभेटीचा कार्यक्रम मात्र मतदानाची वेळ येईपर्यंत सुरूच राहणार आहे.

कर्णकर्कश आवाजातील प्रचार बंद झाल्यामुळे सर्वसामान्य नागरीक व व्यावसायीकांनी सुटकेचा निश्वास सोडला आहे. गेल्या दोन तिन दिवसात सभा, मोटरसायकल रली, पदयात्रा यामुळे प्रचाराला चांगलाच जोर चढला होता. घाटंजी नगर परिषद क्षेत्रात यावेळी राष्ट्रवादी कॉंग्रेस व कॉंग्रेस या दोन पक्षातच लढत होण्याची चिन्हे असुन भारतीय जनता पार्टी व शिवसेनेच्या कथित महायुतीला जनता नाकारत असल्याचे चित्र गेल्या काही दिवसात आलेल्या अनुभवातुन स्पष्ट होत आहे. जनतेतुन मिळत असलेल्या नकारात्मक प्रतिसादामुळे बेगडी महायुतीचे अवसान गळाले असुन एक दोन विजयाने आपले खाते तरी उघडले जावे अशी प्रार्थना महायुतीचे नेते करीत आहेत. चार प्रभागात बहुतांश ठिकाणी दुहेरी लढत होणार असुन कुठे तिहेरी तर एक दोन ठिकाणी अपक्षांनी कडवे आव्हान दिल्याने चौरंगी लढत रंगणार आहे. या निवडणुकीत आकर्षणाचे केंद्रबिंदु ठरलेल्या जलाराम प्रभाग क्र.१ मध्ये राष्ट्रवादी कॉंग्रेस व कॉंग्रेसच्या दिग्गज उमेदवारांमध्ये प्रतिष्ठेची लढाई राहणार आहे. येथे ना.मा.प्र. गटात रा.कॉ.चे प्रा. प्रशांत भोरे व कॉंग्रेसचे संदिप बिबेकार यांच्यात थेट लढत असुन सेनेच्या संजय बुल्ले यांच्यासह अपक्ष उमेदवारही आहेत. ना.मा.प्र.स्त्री गटामध्ये राष्ट्रवादी कॉंग्रेसच्या संगिता भुरे व कॉंग्रेसच्या स्वाती महाजन यांच्यात स्पर्धा राहिल. स्त्रियांसाठी राखीव गटात रा.कॉ.च्या वत्सला तलमले, कॉंग्रेसच्या रेखा दोनाडकर व सेनेच्या सरोज पडलवार यांच्यात लढत होईल. सर्वसाधारण गटात सर्वाधीक स्पर्धा होणार असुन चुरशीची तिहेरी लढत होण्याची शक्यता आहे. राष्ट्रवादीचे अनुभवी उमेदवार श्याम बेलोरकर, कॉंग्रेसचे परेश कारीया यांच्यात समोरासमोर लढत होणार असुन सेनेचे शैलेश ठाकुर देखील स्पर्धेत आहेत. या प्रभागात राष्ट्रवादीचा वरचष्मा राहिल अशी शक्यता राजकीय वर्तुळात व्यक्त होत आहे.
घाटंजीतील सर्वात मोठ्या घाटी प्रभाग क्र.२ मध्ये अनुसूचित जाती गटात कॉंग्रेसचे मधुकर पेटेवार व रा.कॉ.चे दादाराव खोब्रागडे या दोघांमध्ये लढ़त असुन अपक्ष अजय गजभिये यांचीही चर्चा सुरू आहे. या प्रभागात सेना भाजप स्वतंत्रपणे लढत असल्यामुळे भाजपाचे विजय कासार व सेनेचे संतोष शेंद्रे हे दोन उमेदवार एकमेकांविरोधात आहेत. येथिल अनुसूचित जमाती प्रभागातुन रा.कॉ.चे संतोष गेडाम, कॉंग्रेसचे सतिष तोडसाम यांच्यात लढत होईल. सेनेचे दिनेश उईके व भाजपाचे श्रावण परचाके व एक अपक्ष उमेदवार रिंगणात आहे.
ना.मा.प्र.स्त्री गटात राष्ट्रवादीच्या सुधा ठाकरे, कॉंग्रेसच्या अर्चना गोडे व भाजपाच्या माजी नगराध्यक्ष दुर्गा साखरकर यांच्यात लढत आहे. अपक्ष किशोरी चौधरी व सेनेच्या सिता गिनगुले सुद्धा येथुन निवडणुक लढवित आहेत. स्त्रियांसाठी राखीव गटात कॉंग्रेसच्या सिमा डंभारे व रा.कॉ.च्या पुजा दिकुंडवार यांच्यात लढत असुन भाजपाच्या नलु मोहिजे, शिवसेनेच्या सै.सुफिया सै.फिरोज यांच्यासह दोन अपक्ष उमेदवारही निवडणुक लढवित आहेत. स्त्रियांसाठी राखीव गटात सेनेच्या शर्मिला उदार, राष्ट्रवादीच्या सिंधु सिरपुरे, कॉंग्रेसच्या जैनुबाई अफजलखॉ पठाण व भाजपाच्या सुनिता गवारकर यांच्यात लढत होईल. वर्षा जाधव व माजी नगराध्यक्ष माया मंगाम या दोन अपक्ष उमेदवार सुद्धा रिंगणात आहेत.
राममंदिर प्रभाग क्र.३ मध्ये अनेकांची प्रतिष्ठा पणाला लागली आहे. येथे ना.मा.प्र.स्त्री गटात कॉंग्रेसच्या शोभा ठाकरे या तळागाळातल्या कार्यकर्त्यां असल्यामुळे त्यांना सर्वसामान्य मतदारांची पसंती मिळत आहे. येथे त्यांना सेनेच्या सुलभा खांडरे व रा.कॉ.च्या सारीका उगले यांचे आव्हान राहणार आहे. स्त्रियांसाठी राखीव गटात राष्ट्रवादीच्या निर्मला पांडे व कॉंग्रेसच्या जयश्री दिडशे यांच्यात लढत असुन भाजपाच्या ललिता ठाकुर रिंगणात आहेत. सर्वसाधारण गटात माजी नगराध्यक्ष जगदिश पंजाबी कॉंग्रेस च्या उमेदवारीवर असुन त्यांना राष्ट्रवादी कॉंग्रेसच्या प्रमोद मोतीगीर गिरी यांचे कडवे आव्हान राहणार आहे. या गटात अपक्ष उमेदवार संतोष गवळी, म.न.से.चे गजानन भालेकर व भाजपाचे विनायक परचाके देखिल निवडणुक रिंगणात असुन यांना मिळणा-या प्रतिसादावर येथिल निकाल प्रभावीत होऊ शकतो. याच प्रभागातील सर्वसाधारण गटात कॉंग्रेसचे किशोर दावडा व राष्ट्रवादीचे अशोक कटकमवार यांच्यात थेट लढत आहे. येथे रविंद्र ठाकरे हे अपक्ष उमेदवार रिंगणात आहेत.
डॉ.बाबासाहेब आंबेडकर प्रभाग क्र.४ कडे सुद्धा घाटंजीकरांचे लक्ष लागले असुन येथे अनुसूचित जाती स्त्री गटात रा.कॉ.च्या चंद्ररेखा रामटेके व कॉंग्रेसच्या भारती चुनारकर यांच्यात लढत असुन अपक्ष चित्रकला देवतळे व भाजपाच्या शोभा रामटेके निवडणुक लढवित आहेत. अनुसूचित जमाती स्त्री गटात राष्ट्रवादी कॉंग्रेसच्या इंदु परतेकी व कॉंग्रेसच्या शालु गेडाम यांच्यात स्पर्धा आहे. भाजपच्या नंदा कोडापे रिंगणात आहेत. ना.मा.प्र.गटात राष्ट्रवादी कॉंग्रेसचे राम खांडरे यांचे कॉंग्रेसच्या नरेंद्र धनरे याना कडवे आव्हान असुन भाजपाचे स्वरूप नव्हाते हे देखिल स्पर्धेत आहेत. या प्रभागातील सर्वसाधारण गटात तब्बल सात उमेदवार असुन कॉंग्रेसचे सै.मोहिब सै.लतिफ, राष्ट्रवादी कॉंग्रेसचे अकबर युसूफ तव्वर, स्टॅम्प पेपरवर राजीनामाच लिहुन दिल्यामुळे चर्चेत आलेले अपक्ष उमेदवार मधुकर निस्ताने, भाजपाचे अरविंद बोरकर यांच्यात चौरंगी लढत होणार आहे. या गटात सुधिर अग्रहरी, प्रभा शेवरे हे अपक्ष उमेदवार व सुधिर उरकुडे हे मनसेचे उमेदवार सुद्धा रिंगणात आहेत.
जिल्हा परिषद सदस्य सुरेश लोणकर यांच्यासह अनेक कार्यकर्ते नुकतेच राष्ट्रवादी कॉंग्रेसमध्ये आल्यामुळे रा.कॉ.चे मनोबल वाढले आहे.
साभार:- देशोन्नती

घाटंजीत वर्तमान नगरसेवकांसाठी 'दरवाजे बंद'

नगर परिषद निवडणुक जसजशी जवळ येत आहे तसा प्रचाराचा वेग वाढत असुन उमेदवारांच्या गृहभेटींना सुरूवात झाली आहे. घाटंजी नगर परिषदेचा गेल्या पाच वर्षांचा कार्यकाळ लक्षात घेता नगरिकांमध्ये नगरसेवकांविषयी मुळीच सहानुभूती राहिली नसुन उमेदवार भेटीसाठी येताच मतदार घरातुन काढता पाय घेत आहेत. तर काही ठिकाणी उमेदवारांसाठी घराचे दरवाजेच बंद होत असल्याने काही उमेदवारांची चांगलीच पंचाईत होत आहे. हा अनुभव प्रामुख्याने वर्तमान नगरसेवक व सत्तेत असलेल्या उमेदवारांना येत आहे. नागरिक ज्यावेळी आपल्या अडचणी व समस्या घेऊन न.प.कार्यालयात जात असत तेव्हा अनेकदा हे तथाकथित लोकप्रतिनिधी दडुन बसत. रस्त्यावर मुरूम टाकतांनाही जे भेदभाव करित होते त्या नगरसेवकांना आता घरी उभेच करायचे नाही अशी अनेक घाटंजीकरांची मानसिकता झाली आहे. उमेदवारांची अंतिम यादी व चिन्ह वाटप होण्याच्या तिन दिवसांपुर्वीच एका राजकीय पक्षाने मोठमोठे होर्डींग्स व लाऊडस्पिकरच्या कर्णकर्कश आवाजात प्रचाराला सुरूवात करून आपल्या उताविळपणाचा परिचय दिला. गेल्या तिन दिवसात खोटारडी आश्वासने व पोकळ घोषणांच्या आवाजानेच घाटंजीकरांची झोप उघडत आहे. लाऊडस्पिकरच्या आवाजासंबंधी सर्व नियम मोडीत निघत असुन सुद्धा प्रशासन यावर नियंत्रण ठेवण्यास अपयशी ठरत आहे. सकाळी ९ वाजल्यानंतरच लाऊडस्पिकर वाजविण्यास परवानगी द्यावी अशी मागणी जनतेतुन होत आहे.

गेल्या काही वर्षात ‘विकास’ हा शब्दच घाटंजीकरांसाठी नवलाईचा आहे. सध्या घाटंजीच्या सर्वांगीन विकासाची खात्री देणा-यांनी गेल्या अडीच वर्षात काय दिवे लावले असा प्रश्न पुढे येत आहे. पाच वर्षाच्या छळाचे उत्तर देण्याची हिच खरी वेळ आहे याच भावनेतुन आता अनेक मतदारांची विद्यमान नगरसेवक असलेल्या उमेदवारांविषयी नकारघंटा असल्याचे चित्र आहे. यामध्ये केवळ सत्तेत असलेलेच नव्हे तर विरोधकानाही जनतेच्या प्रासंगिक संतापाचा सामना करावा लागत आहे. नुकताच एका पक्षाच्या उमेदवारांनी प्रभाग क्र. १ मध्ये लाऊडस्पिकरच्या कर्कश  आवाजात गृहभेटी घेतल्या. ज्या ठिकाणी आपली डाळ शिजणार नाही याची त्यांना खात्री होती तेथे जाणेच या उमेदवारांनी टाळल्याने ते किती पाण्यात आहेत हे सर्वांनाच लक्षात आले. जुन्या नेत्यांच्या नेतृत्वाखाली नविन उमेदवारांकडे मतदार आशेने पहात असुन नवख्या तसेच पुर्वानुभवी उमेदवारांना यावेळी मतदार संधी देतील अशी शक्यता वर्तविण्यात येत आहे.

साभार:- देशोन्नती

सगळ्यांनाच लागले नगराध्यक्षपदाचे ‘डोहाळे’

अवघ्या दहा बारा दिवसांवर येऊन ठेपलेल्या नगर परिषद निवडणुकीसाठी धावपळ सुरू असली तरी यावेळी मतदार व उमेदवारांमध्ये हवा तेवढा उत्साह दिसत नाही. गेल्या पाच वर्षातील कार्यकाळात नगर परिषदेच्या अक्षम्य ढिसाळपणामुळे नागरिकांमध्ये निवडणुक व उमेदवारांविषयी आपुलकीच उरली नाही.

ब-याच प्रतिक्षेनंतर घाटंजी न.प.नगराध्यक्षपदाचे आरक्षण खुल्या प्रवर्गासाठी निघाले आहे. त्यामुळे या खुर्चीवर बसण्याची अनेकांची सुप्त ईच्छा जागृत झाली असुन नगराध्यक्षपदासाठीच काही उमेदवार निवडणुक रिंगणात उतरले आहेत. गेल्या पाच वर्षात घाटंजीच्या नगराध्यक्षपदावर महिलाराज होते. याचा चांगलाच फायदा काही नगरसेवकांनी घेतला. या अडीच वर्षात तर नगर परिषदेत ‘ठाकुरकी’ने एवढा कहर केला की, लोकांचा नगर सेवकांवरील विश्वासच उडुन गेला आहे.
यावेळी सुमारे चार माजी नगराध्यक्ष निवडणुक रिंगणात आहेत. प्रभाग क्र.१ मधुन राष्ट्रवादी कॉंग्रेसच्या वतीने निवडणुक लढवित असलेले श्याम बेलोरकर यांनी १९९१ ते १९९६ पर्यंत नगराध्यक्षपद भुषविले. त्यानंतर १९९६ ते १९९८ पर्यंत जगदिश पंजाबी हे या पदावर विराजमान होते. सध्या त्यांनी प्रभाग क्र.३ मधुन कॉंग्रेसकडून उमेदवारी दाखल केली आहे.१९९८ ते २००१ या काळात नगराध्यक्षपदी असलेल्या माया मंगाम यावेळी प्रभाग क्र.२ मधुन अपक्ष उमेदवार आहेत. तर २००६ ते २००८ मध्ये नगराध्यक्ष राहिलेल्या दुर्गा साखरकर प्रभाग २ मधुन भाजपाच्या उमेदवार आहेत.
या निवडणुकीत कॉंग्रेसला बहुमत मिळाल्यास नगराध्यक्षपदी जगदिश पंजाबी यांनाच सधी मिळणार हे जवळजवळ निश्चित आहे. मात्र राष्ट्रवादीला  बहुमताचा कौल मिळाल्यास नगराध्यक्षपदासाठी चांगलीच रस्सीखेच होणार असे सध्याचे चित्र आहे. राष्ट्रवादी कडुन श्याम बेलोरकर हे नगराध्यक्षपदाचे प्रबळ दावेदार आहेत. परंतु त्यांच्या दावेदारीला रा.कॉ.मधील दुस-या गटाकडुन आव्हान मिळण्याची शक्यता आहे. याशिवाय इतर काही पक्षांनी महत्वाच्या उमेदवारांना नगराध्यक्षपदाचे चॉकलेट दाखवुन निवडणुकीत उमेदवारी दाखल करण्यास प्रवृत्त केले आहे. मात्र निवडणुक निकालानंतर नेमके काय चित्र पुढे येणार याकडे सर्वच उमेदवारांचे लक्ष लागले आहे.
साभार:- देशोन्नती 

७९ उमेदवार निवडणुक रिंगणात ४ उमेदवारांचे अर्ज खारीज

नगर परिषद निवडणुक नामांकन अर्ज छाननी दरम्यान ४ उमेदवारांचे नामांकन अर्ज विवीध कारणांनी खारीज झाले. राष्ट्रवादी कॉंग्रेस पक्षाचे प्रभाग ४ मधील उमेदवार राम खांडरे यांना पक्षातर्फे  देण्यात आलेल्या एबी फॉर्म वर संबंधीतांची स्वाक्षरी नसल्याने त्यांची पक्षाची उमेदवारी रद्द झाली. त्यांनी अपक्ष म्हणुनही उमेदवारी अर्ज दाखल केल्याने ते रिंगणात असले तरी आता त्यांना राष्ट्रवादी समर्थीत उमेदवार म्हणुन निवडणुक लढवावी लागणार आहे. निवडणुक रिंगणाबाहेर पडलेल्यांमध्ये पद्मा खोब्रागडे (प्रभाग ४), प्रभाग क्र.३ मधुन माया कटकमवार, मंगेश इंगोले, प्रभाकर चटुले हे आहेत.

सध्या ७९ उमेदवार निवडणुक रिंगणात असुन त्यामध्ये ४२ पुरूष व ३७ महिला उमेदवारांचा समावेश आहे. प्रभाग क्र.१ (जलाराम)संजय गोडे, दत्तात्रय गटलेवार, प्रशांत भोरे, संदिप बिबेकार, संजय राऊत, संजय बुल्ले, परेश कारिया, गुणवंत निकम, श्याम बेलोरकर, शैलेष ठाकरे, रेखा दोनाडकर, वत्सलाबाई तलमले, सरोज पडलवार, संगिता भुरे, स्वाती महाजन, सुलभा खांडरे, प्रभाग क्र.२ (घाटी) मधुकर पेटेवार, दादाराव खोब्रागडे, अजय गजभिये, विजय कासार, नरेश कुंटलवार, भारत मोटघरे, संतोष शेंद्रे, अनिल रामटेके, सतिश तोडसाम, आनंद मडावी, संतोष गेडाम, किरण नैताम, दिनेश उईके, सिमा डंभारे, पुजा दिकुंडवार, सै.सुफिया सै.फिरोज, विजुताई राठोड, फरझाना परविन अ.रशिद, नलु मोहिजे, माया मंगाम, सुधा ठाकरे, जैनुबी अफजलखॉ पठाण, वर्षा जाधव, शर्मिला उदार, सुनिता गवारकर, सिंधु सिरपुरे, अर्चना गोडे, सिता गिनगुले, किशोरी चौधरी, दुर्गा साखरकर, प्रभाग ३ (राम मंदीर) किशोर दावडा, रविंद्र ठाकरे, अशोक कटकमवार, संतोष गवळी, जगदिश पंजाबी, प्रमोद गिरी, विनायक परचाके, गजानन मालेकर, जयश्री दिडशे, निर्मला पांडे, ललिता ठाकुर, शोभा ठाकरे, सारिका ऊगले, सुलभा खांडरे, प्रभाग क्र.४ (डॉ.बाबासाहेब आंबेडकर) भारती चुनारकर, चंद्ररेखा रामटेके, शोभा रामटेके, चित्रकला देवतळे, राम खांडरे, नरेंद्र धनरे, मधुकर निस्ताने, स्वरूप नव्हाते, इंदुताई परतेकी, शालु गेडाम, नंदा कोडापे, अकबर तंव्वर, सै.मोहिब, मधुकर निस्ताने, प्रभा शेवरे, अरविंद बोरकर, सुधिर अग्रहरी, जितेंद्र सहारे, सुधिर उरकुडे