पार्डी (कालेश्वर) शाळेची राज्यस्तरीय स्पर्धेसाठी दुस-यांदा निवड

तालुक्यातील जि.प.प्राथमिक शाळा पार्डी (कालेश्वर) ने संत गाडगेबाबा ग्राम स्वच्छता अभियानात भाग घेऊन विभागीय पातळीवरचा सानेगुरूजी स्वच्छ शाळा सुंदर शाळा पुरस्कार पटकावला आहे. त्यामुळे या शाळेची राज्यस्तरीय स्पर्धेसाठी दुस-यांदा पात्र ठरली आहे. महाराष्ट्र शासनातर्फे राबविण्यात येत असलेल्या संत गाडगेबाबा ग्राम स्वच्छता अभियान २०१०-११ अंतर्गत पार्डी (कालेश्वर) जि.प.शाळा, अंगणवाडी व ग्रामपंचायत कार्यालयाची तपासणी पथकामार्फत करण्यात आली होती. या तपासणी पथकामध्ये राज्यस्तरीय समितीचे अध्यक्ष माधव पाटील शेळगावकर, मंत्रालयातील उपसचीव नितिन व्हटकर, पत्रकार महेश पवार, विजय झिंगाडे यांचा समावेश होता.
यावेळी पंचायत समितीतर्फे समिती सदस्यांचा सत्कार करण्यात आला. शाळा अहवाल, ग्रामपंचायत अहवाल, अंगणवाडी केंद्र अहवाल याचे वाचन मुख्याध्यापक गणेश गाऊत्रे, ग्रामसेवक जी. एन.विरदंडे, पुष्पा ठाकरे यांनी वाचन केले.
याप्रसंगी जि.प.चे उपमुख्य कार्यकारी अधिकारी खंदारे, सभापती शैलेश र्इंगोले, गटविकास अधिकारी रामचंद्र गेडाम, विस्तार अधिकारी योगेश उडाखे, रूपेश कल्यमवार, राजु निकोडे, केंद्रप्रमुख दारवनकर, सरपंच विठ्ठल परचाके, संजय मरापे यांची उपस्थिती होती.
साभार :- देशोन्नती 

शिवरायांच्या कर्तृत्वाला जगात तोड नाही - ना.मोघे

शिवजयंती उत्सवात नवनिर्वाचीतांचा सत्कार

शिवरायांचे कार्य त्यांचे कर्तृत्व आणी त्यांनी दिलेली शिकवण याला जगात तोड नसुन त्यांच्या चारित्र्याचे अध्ययन करून ते आत्मसात करण्याची गरज आहे असे प्रतिपादन सामाजीक न्याय मंत्री ना.शिवाजीराव मोघे यांनी केले. येथिल शिवतिर्थावर आयोजीत शिवजयंती उत्सवाच्या उद्घाटन प्रसंगी अध्यक्षस्थानावरून ते बोलत होते. छत्रपतींनी हिंदवी स्वराज्याची स्थापना करून त्याकाळी गुलामगीरीत जखडलेल्या समाजाला त्यातुन मुक्त केले. सर्व धर्मांचा सन्मान त्यांनी राखला. त्यांचे प्रत्येक कार्य अनुकरणीय असल्याचेही ते म्हणाले. या कार्यक्रमाला नगराध्यक्ष जगदिश पंजाबी, उपाध्यक्ष अकबर तंव्वर, बांधकाम सभापती परेश कारीया, शिक्षण सभापती राम खांडरे, महिला व बालकल्याण सभापती शोभा ठाकरे सतिश भोयर यांचेसह नगरसेवकांची उपस्थिती होती. यावेळी नगर परिषदेच्या नवनिर्वाचीत सदस्यांचा सत्कार करण्यात आला. तसेच हालाखीच्या परिस्थिती असतांना राष्ट्रीय स्तरावर क्रिडा क्षेत्रात नाव कमाविणा-या ससाणी येथिल राजु मेश्राम याचाही सत्कार यावेळी करण्यात आला. राजु हा सायकलपटू आहे. मात्र त्याचेजवळ सराव करण्यासाठी सायकल नाही. त्यामुळे ना. शिवाजीराव मोघे यांनी यावेळी राजूला आठ दिवसांच्या आत रेसिंगची सायकल देण्याचे आश्वासन दिले. याशिवाय राजे छत्रपती सामाजीक सभागृहाच्या वॉलकंपाऊंड करीता निधी अथवा नगर परिषदेच्या माध्यमातुन लवकरच पावले उचलण्यात येतिल असे आश्वासन ना.मोघे यांनी दिले. नगर परिषदेच्या पदाधिका-यांनीही याबाबीला दुजोरा दिला. कार्यक्रमाचे प्रास्ताविक सतिश भोयर, संचालन दिपक महाकुलकर व आभार प्रदर्शन प्रफुल्ल अक्कलवार यांनी केले.
साभार :- देशोन्नती