स्नेहसंमेलनात फ्री स्टाईल बाईक रायडींगचा थरार

रस्ता सुरक्षेचा संदेश : युवकांनो फाजिल धैर्य दाखवू नका

येथिल शि.प्र.मं.विज्ञान व गिलानी कला वाणिज्य महाविद्यालयाच्या स्नेहसंमेलना दरम्यान फ्री स्टाईल बाईक रायडींगने युवकांच्या मनाचा ठाव घेतला. राष्ट्रीय रेसर राहुल राठोड व दिलशाद खान यांचे चित्तथरारक बाईक स्टंट्स यावर्षीच्या स्नेहसंमेलनाचे प्रमुख आकर्षण ठरले. 

हिलचेयर व्हिली, सुसाईड बर्नाऊट, सिट स्टॅण्ड व्हिली, रोलींग बर्नाऊट यासह विवीध प्रकारचे स्टंट्स युवकांना भुरळ पाडीत होते. मात्र या बाईकर्सनी युवकांना बाईकवर फाजिल धैर्य न दाखविण्याचे आवाहन केले. रस्त्यावर मर्यादीत वेगातच बाईक चालवावी. योग्य प्रशिक्षण असल्याशिवाय स्टंट्स करू नये. रस्ता हा सुरक्षीतपणे वाहने चालविण्यासाठी असतो स्टंट्स करण्यासाठी नाही असा संदेशही त्यांनी महाविद्यालयीन युवकांना दिला. या कार्यक्रमातून गोळा झालेला निधी यवतमाळ येथिल वृद्धाश्रमाला देण्यात येणार आहे. या कार्यक्रमाच्या आयोजनात महाविद्यालयाचे विद्यार्थी अमित पडलवार, सुहास दिवुंâडवार, निलेश दुल्लरवार, अनुप तारक, पुष्कर कुरजेकर यांनी पुढाकार घेतला. दरम्यान या दोन दिवसीय स्नेहसंमेलनात विवीध खेळ व क्रिडा स्पर्धा, रांगोळी, थाळी सजावट, वादविवाद, वक्तृत्व, भावगित, कविता वाचन, आनंद मेळावा, पुष्परचना या स्पर्धांसह विवीध सांस्कुतिक कार्यक्रमांचे आयोजन करण्यात आले होते. या कार्यक्रमांमध्ये विद्याथ्र्यांनी उत्स्पुâर्त सहभाग घेतला. स्नेहसंमेलनाचे उद्घाटन प्राचार्य डॉ.एम.ए.शहेजाद यांच्या हस्ते झाले. यावेळी संस्थेचे संचालक आर.यु.गिरी, आलिया शहेजाद यांचेसह मान्यवरांची उपस्थिती होती. स्नेहसंमेलनाचे प्रभारी म्हणुन प्रा.टी.एम.कोटक यांनी काम पाहिले. कार्यक्रमाच्या यशस्वीतेसाठी प्राध्यापक वृंद, कर्मचारी व विद्याथ्र्यांनी परिश्रम घेतले. 

साभार : सकाळ 

श्रिराम बाल संस्कार केंद्राच्या स्नेहसंमेलनात चिमुकल्यांचे कलाविष्कार

येथिल श्रिराम बाल संस्कार केंद्राच्या वार्षीक स्नेहसंमेलनात हस्तकला, नृत्य, अभिनय यासह चिमुकल्यांच्या विवीध कलाविष्कारांनी उपस्थितांचे मनोरंजन केले. तिन दिवशीय स्नेहसंमेलनाच्या उद्घाटन सोहळ्याच्या अध्यक्षस्थानी न.प.अध्यक्ष किशोर दावडा होते. नगरसेवक राम खांडरे, शासकीय अध्यापक विद्यालयाच्या अध्यापीका डॉ.हेमलता तुरणकर यांची या कार्यक्रमाला प्रमुख उपस्थिती होती. कार्यक्रमाच्या सुरूवातीला दिवंगत आमदार निलेश पारवेकर यांना श्रद्धांजली अर्पण करण्यात आली. त्यानंतर मान्यवरांच्या हस्ते चिमुकल्यांनी बनविलेल्या शैक्षणीक साहित्य प्रदर्शनीचे उद्घाटन केले. यानंतर झालेल्या कार्यक्रमात विद्यार्थ्यांनी कवायत, लेझीम, डंबेल्स, घुंगरू काठी, नृत्य, भाषण  असे विवीध कलाविष्कार सादर करून उपस्थितांची मने जिंकली. प्रा.तुरणकर यांनी मुलांचे मानसशास्त्र व त्यांची जोपासना या विषयावर मार्गदर्शन केले. वार्षीकोत्सवाच्या निमित्ताने यवतमाळ येथिल प्रसिद्ध वक्ते उमेश वैद्य यांचे विद्यार्थी शिक्षक आणि पालक या विषयावर व्याख्यान आयोजीत करण्यात आले होते. 

स्नेहसंमेलनाच्या बक्षीस वितरण कार्यक्रमाच्या अध्यक्षस्थानी समर्थ विद्यालयाचे माजी मुख्याध्यापक मधुसूदन चोपडे होते. यावेळी नगर सेविका संगिता भुरे, मिनाक्षी व्यवहारे, विणा सोनटक्के, निता पानट, रामदास नखाते, श्याम पानट, मधुकर व्यवहारे, ऋचिता कुळकर्णी, उमेश सोनटक्के यांची उपस्थिती होती. कार्यक्रमाचे संचालन मुख्याध्यापीका सुचिता पानट यांनी केले. कार्यक्रमाच्या यशस्वीतेसाठी उषा पानट, बॉबी दिकुंडवार, शिल्पा वातिले, सुरेखा निकोडे, पुजा कहाळे, आरती जाधव, शुभांगी ठाकरे, भारती वाळके, सरला भोयर, प्रिती वघरे, प्रिया वातिले, विजया पामपट्टीवार यांनी परिश्रम घेतले.

साभार :- देशोन्नती 

बाबासाहेब देशमुख विद्यालयात क्रीडा महोत्सव

साखरा(खुर्द) येथील बाबासाहेब देशमुख विद्यालयात स्नेहसंमेलन, विविध स्पर्धा आणि क्रीडा महोत्सव नुकताच पार पडला. स्नेहसंमेलनाची सुरुवात महाराष्ट्र छात्रसेना दिनापासून झाली. नेताजी सुभाषचंद्र बोस जयंती दिनी स्नेहसंमेलनाचे उद्घाटन झाले. या कार्यक्रमाचे अध्यक्ष मुख्याध्यापक महेश बोदुलवार तर उद्घाटक राजू दिकुंडवार होते.

एमसीसी प्रशिक्षक संजय चौलमवार यांनी अनुशासन, शौर्य व राष्ट्रप्रेम हे गुण विकसित होण्यासाठी एससीसी महत्त्वपूर्ण असल्याचे प्रतिपादन केले. कार्यक्रमाचे अध्यक्ष महेश बोदुलवार यांनी विविध स्पर्धेचे महत्त्व सांगितले. विद्यार्थ्यांमधील सुप्तगुणांना वाव देण्यासाठी क्रीडा स्पर्धा व सांस्कृतिक कार्यक्रमाचे आयोजन आहे. या माध्यमातून विद्यार्थ्यांचा सर्वांगीण विकास होतो, असे प्रतिपादन त्यांनी केले.

गीतगायन, प्रश्नमंजूषा, बचाव स्पर्धा, स्लो सायकलिंग, गोळाफेक, थाळीफेक, कबड्डी, खो-खो, व्हॉलिबॉल, सॅक रेस, एक मिनीट स्पर्धांमध्ये विद्यार्थ्यांनी सहभाग घेऊन आपले कलाकौशल्य दाखविले. प्रजासत्ताक दिनी आयोजित सांस्कृतिक कार्यक्रमात लावणी नृत्य, बंजारा नृत्य, पर्यावरण बचाव नाटिका तसेच शिक्षणाचे महत्त्व सांगणारी नाटिका राष्ट्रीय हरित सेनेच्या माध्यमातून सादर करण्यात आली. 

इसाफ पठाण, मनीषा मोहुर्ले, दुर्गा राठोड, शुभम तामगाडगे, भावना राऊत, कुणाल कुळसंगे, ज्योत्स्ना चव्हाण, करिश्मा जाधव यांना बक्षिसे व प्रमाणपत्र देऊन गौरविण्यात आले. या कार्यक्रमांसाठी यादव घोडे, कृष्णा नार्लावार, अक्षय डंभारे, सैयद मुतालिक, खुशाल डंभारे आदींनी पुढाकार घेतला. या महोत्सवासाठी बाबासाहेब देशमुख विद्यालयाचे शिक्षक, शिक्षकेतर कर्मचारी आणि विद्यार्थ्यांनी पुढाकार घेतला.

साभार - लोकमत