घाटंजीत स्वामी विवेकानंद ‘सार्ध शती’ महोत्सवानिमित्य विवीध कार्यक्रम

स्वामी विवेकानंद यांच्या १५० व्या जयंती वर्षा निमित्त घाटंजीत विवीध कार्यक्रमांचे आयोजन करण्यात आले. जयंतीदिनी स्थानिक विद्यार्थ्यांनी रॅली काढुन स्वामी विवेकानंदांना अभिवादन केले. तसेच नुकतेच सुर्यनमस्कार यज्ञाचे आयोजन करण्यात आले होते. यामध्ये शि.प्र.मं.मुलांच्या शाळेतील ३०० विद्यार्थी, शि.प्र.मं.मुलींच्या शाळेतील २५० विद्यार्थीनी, समर्थ विद्यालयाचे २९५ विद्यार्थी, नगर परिषद शाळेतील ४०० विद्यार्थी व श्यामाप्रसाद मुखर्जी विद्यालय घोटीच्या ३०० विद्यार्थ्यांनी पहाटे सुर्यनमस्कार घालुन या यज्ञात सहभाग घेतला. या सर्व कार्यक्रमांच्या यशस्वीतेसाठी स्वामी विवेकानंद सार्धशती समारोह समिती ता.घाटंजीचे सर्व कार्यकर्ते व शाळांमधील शिक्षक, कर्मचा-यांनी परिश्रम घेतले.

डॉ.बाबासाहेब आंबेडकर जयंती उत्सव समिती गठित

येथिल डॉ.बाबासाहेब आंबेडकर भवनात झालेल्या सभेत जयंती उत्सव समितीचे गठण करण्यात आले. सभेच्या अध्यक्षस्थानी सुखदेव रामटेके होते. राज्यघटनेचे शिल्पकार डॉ.बाबासाहेब आंबेडकर यांच्या जयंती उत्सव समितीच्या अध्यक्षपदी संतोष श्रावण जिवने, उपाध्यक्ष आशिष विठ्ठलराव कांबळे, सचिव भारत अंबादास लढे, सहसचिव सुमित दत्ताजी चुनारकर, तर कोषाध्यक्षपदी अविनाश नामदेव मनवर यांची सर्वानुमते निवड करण्यात आली. कार्यकारीणी सदस्यांमध्ये एन.जी.भगत, विजय शिसले, नगरसेवक संतोष संभाजी शेंद्रे, सतिष विश्वनाथ रामटेके, देवकुमार शेंडे, प्रकाश लढे, अजय गजभिये, बुद्धप्रकाश मुनेश्वर यांचा समावेश आहे.

मार्गदर्शक समितीमध्ये बी.टी.वाढवे, सुखदेव रामटेके, किशोर मुनेश्वर, सुनिल नगराळे, भगवान बन्सोड, नियोजन समितीमध्ये प्रदिप रामटेके, अशोक जोगळेकर, अविनाश खरतडे, शेषराव नगराळे, सचिन खोब्रागडे, सागर बेले, यांची निवड करण्यात आली. सभेला गजु मुनेश्वर, मयुर भवरे, सचिन भगत, स्वप्नील कांबळे, स्वप्नील खोब्रागडे, शुभम मनवर, भिमसेन मुनेश्वर, भारत मोटघरे, राजु गजबे, संजय कांबळे, संजय टिपले, दत्ताजी मानकर, राजु सुखदेवे, ताराचंद धोंगडे, हिमंत कापसीकर यांच्यासह बहुसंख्य समाजबांधव उपस्थित होते.

साभार :- देशोन्नती 

घाटंजी येथे डॉ. आंबेडकर जयंतीनिमित्त विवीध कार्यक्रम

डॉ.बाबासाहेब आंबेडकर यांच्या जयंतीनिमित्त शहरात सकाळी सायकल रॅली तर संध्याकाळी मेणबत्ती मार्च काढण्यात आला. 

सायकल रॅलीला डॉ. आंबेडकर वॉर्ड येथून सुरुवात झाली. रॅली मार्गात संत गाडगेबाबानगर (खापरी) येथे सुनील कांबळे यांच्या हस्ते, नेहरूनगर येथे रा.वि. नगराळे यांच्या हस्ते, बसस्थानकातील फोटोला माल्यार्पण करण्यात आले. जयभीम चौकात संतोष शेंद्रे यांच्या हस्ते, घरकूल वसाहत घाटी येथे विमल मानकर यांच्या हस्ते तर डॉ. आंबेडकर वॉर्डात जयंती समारोह समितीचे अध्यक्ष संतोष शेंद्रे यांचे हस्ते पंचशील ध्वजाचे ध्वजारोहण करण्यात आले.

जयभीम चौकात डॉ. बाबासाहेब आंबेडकर सार्वजनिक वाचनालयाचे उद्घाटन संजय टिपले यांच्या हस्ते झाले. वसंतनगर येथील आंबेडकरी युवा मंचच्या कार्यक्रमाची सुरुवात नितीन पाटील यांनी बाबासाहेबांच्या प्रतिमेचे पूजन करून केले.

सायंकाळी मेणबत्ती शांती मार्च काढण्यात आला. याशिवाय घाटंजी आयडॉल, वेशभुषा स्पर्धा यासह वैविध्यपुर्ण कार्यक्रमांचे आयोजन करण्यात आले होते. यशस्वीतेसाठी डॉ. बाबासाहेब आंबेडकर जयंती उत्सव समितीचे अध्यक्ष संतोष शेंद्रे, कार्याध्यक्ष सतीश रामटेके, कोषाध्यक्ष रा.वि. नगराळे, सचिव संतोष जीवणे, उपाध्यक्ष प्रकाश लढे, सहसचिव सुरेश हुमे, सुनील नगराळे यांच्यासह भारतीय बौद्ध महासभा, समता सैनिक दल, भीमशक्ती युवा मंच आणि विविध संघटनांच्या पदाधिकार्‍यांनी पुढाकार घेतला. तसेच शहराच्या विविध भागात आणि ग्रामीण भागामध्ये डॉ. बाबासाहेब आंबेडकर जयंतीचा कार्यक्रम घेवून अभिवादन करण्यात आले.

डॉ.बाबासाहेब आंबेडकर जयंतीनिमित्य आयोजीत विवीध कार्यक्रमांची ठळक छायाचित्रे

छायाचित्र सौजन्य :- महेंद्र देवतळे, ९५४५३४२२४२