चेन्नईला पराभुत करून ‘योटी नॅशनल कप’ विदर्भाकडे
१४ वर्षाखालील संघाची चमकदार कामगिरी
राज्य व राष्ट्रीय पातळीवर चमकदार कामगिरी करणा-या घाटंजीतील चिमुकल्यांनी जिल्ह्याच्या शिरपेचात मानाचा तुरा खोवला आहे. वल्लभगढ (हरियाणा) येथे झालेल्या ‘योटी इंडीयन नॅशनल कप’ क्रिकेट सामन्यांच्या १४ वर्षाखालील गटाचे विजेतेपद विदर्भ संघाने पटकावले. या संघामध्ये बहुतांश खेळाडू घाटंजी तालुक्यातील आहेत हे विशेष.
येथिल राष्ट्रीय खेळाडू व क्रिडा प्रशिक्षक राजन भुरे यांच्या मार्गदर्शनात सराव करणा-या या खेळाडूंनी यापुर्वीही अनेक स्पर्धांमध्ये यश संपादन केले आहे. करमविर स्टेडीयम, वल्लभगठ, फरिदाबाद (हरियाणा) येथे झालेल्या उपांत्य सामन्यात यजमान हरियाणा संघाचा पराभव करून विदर्भ संघाने अंतिम सामन्यात प्रवेश केला. अंतिम सामन्यात चेन्नई (तामिळनाडू) संघाचा दणदणीत पराभव करून विजेतेपद पटकावले.
विजेत्या संघामध्ये वेदांत बोंडे, प्रथमेश गुघाणे, संकेत देशमुख, गजानन सोनुले, गौरव भोयर, हेमंत राठोड, हर्षल देठे, कौस्तुभ आगे, प्रियांशु वाघमारे, चेश राठोड सर्व रा.घाटंजी व सुबोजीत राय, मित सिंग रा.गोंदीया या खेळाडूंचा समावेश होता. राजन भुरे हे या संघाचे प्रशिक्षक होते. संपुर्ण मालिकेत उत्कृष्ट कामगिरी करणारा वेदांत बोंडे याने मालिकावीर तर चेश राठोड याने सामनाविर होण्याचा बहुमान पटकावला. पारितोषीक वितरण समारंभाला योटी ग्रुपचे अध्यक्ष प्रताप चौधरी, बि.सि.सि.आय.कोच मोहन दास, कोलकता यांचेसह मान्यवरांची उपस्थिती होती. या यशाबद्दल या चिमुकल्या क्रिकेटपटूंचे सर्वत्र कौतुक होत आहे.
स्पर्धा परिक्षेच्या दृष्टीने आवश्यक सामान्यज्ञान,
शासकीय, निमशासकीय नोकरभरतीच्या जाहीराती
याविषयी माहितीसाठी
"Like" करा
