नुकत्याच झालेल्या शिरोली ग्रामपंचायतीच्या पोटनिवडणुकीत राष्ट्रवादी कॉंग्रेसचे जिल्हाध्यक्ष सुरेश लोणकर समर्थीत उमेदवाराचा पराभव झाला. तर आमदार निलेश पारवेकर यांचे समर्थक असलेले शिरोलीचे सरपंच अरविंद महल्ले यांच्या गटाचे उमेदवार अमोल मोतीराम पेंदोर हे १८ मतांनी निवडून आले. त्यांनी सुरेश लोणकर यांच्या गटाच्या संतोष वसंत सोयाम यांचा पराभव केला. पेंदोर यांना १५३ तर सोयाम यांना १३५ मते मिळाली. शिरोलीचे उपसरपंच रमेश धुर्वे हे पंचायत समिती सदस्यपदी निवडून आल्याने त्यांनी ग्रा.पं.सदस्यत्वाचा राजीनामा दिला होता. त्यामुळे रिक्त झालेल्या जागेसाठी ही निवडणुक झाली. नुकतीच सुरेश लोणकर यांची राष्ट्रवादी कॉंग्रेसच्या जिल्हाध्यक्षपदी निवड झाली आहे. मात्र त्यांच्या स्वत:च्या गावातच ग्रा.पं.पोटनिवडणुकीत त्यांच्या उमेदवाराला पराभवाचे तोंड पाहावे लागले आहे.
साभार :- देशोन्नती
