घाटंजी येथे जिल्हास्तरीय माळी समाज वधु वर परिचय मेळावा

सावित्रीबाई फुले यांच्या जयंतीदिनी भव्य आयोजन

क्रांतीज्योती सावित्रीबाई फुले यांच्या जयंतीच्या औचित्याने अ.भा.माळी महासंघ तालुका घाटंजीच्या वतीने जिल्हास्तरीय सर्वशाखेय माळी समाज उपवर वधु व पालक परिचय मेळाव्याचे भव्य आयोजन करण्यात आले आहे. दि.६ जानेवारीला सकाळी ११ वाजता संत मारोती महाराज सांस्कृतिक भवन घाटंजी येथे हा मेळावा होणार आहे. या कार्यक्रमाच्या अध्यक्षस्थानी अ.भा.माळी महासंघाचे जिल्हाध्यक्ष अ‍ॅड.राजेंद्र महाडोळे राहतील. उद्घाटन ज्ञानेश्वर गोबरे यांचे हस्ते होईल. यावेळी घाटंजीचे ठाणेदार ओमप्रकाश अंबाडकर, सा.बां.विभागाचे उपविभागीय अभियंता चंद्रकांत मेहेत्रे, न.प.यवतमाळच्या बांधकाम सभापती माधुरी अराठे, म.ज्योतीबा दिनबंधु कल्याण मंडळाचे अध्यक्ष अशोक तिखे, अ.भा.माळी महासंघाचे जिल्हा कार्याध्यक्ष मधुकर उडाखे, उपाध्यक्ष वसंत निरपासे, झिबल वाढई, जिल्हा प्रवक्ता काशिनाथ लाहोरे, घाटंजी पं.स.उपसभापती सुवर्णा निकोडे, उत्तम खंदारे, सावतामाळी नागरी पतसंस्थेचे अध्यक्ष आत्माराम जाधव, अ.भा.महिला माळी महासंघाच्या जिल्हाध्यक्ष माया गोबरे, गजानन चौधरी, रामभाऊ किरणापुरे, दत्ता सोनुले, यांची प्रमुख उपस्थिती राहणार आहे.

या कार्यक्रमाच्या आयोजनासाठी विवीध समित्यांचे गठण करण्यात आले आहे. स्वागत समितीमध्ये अविनाश घाटे, राजेंद्र घाटे, शैलेश हुड, प्रदिप चोपडे, कार्तीक शेंडे, राम भेंडारे, गजानन अनखुळे, निमंत्रक व आयोजन समिती मध्ये पांडूरंग निकोडे, झोलबाजी लेनगुरे, रामकृष्ण सोनुले, गजानन लेनगुरे, रमेश वाडगुरे, भारत वाडगुरे, बंडू निकोडे, चंद्रभान चौधरी, मनोहर वाडगुरे, सदाशिव ठाकरे, श्रीराम बोरूले, देवानंद गाऊत्रे, संजय ठाकरे, गणेश मोहुर्ले, पुंडलिक वाढई, विठ्ठल चौधरी, अजाब लेनगुरे, मोहन कोटरंगे, किसन गाऊत्रे, संतोष गुरनुले, नागोराव लेनगुरे, संतोष सोनुले, नरसिंग गुरनुले, चंद्रभान शेंडे, मनोहर चौधरी यांचा समावेश आहे. तालुक्यातील सर्व ग्रामशाखेचे पदाधिकारी या कार्यक्रमाच्या आयोजनासाठी अथक परिश्रम घेत आहेत. या कार्यक्रमाला जिल्ह्यातील सर्व माळी समाज बांधवांनी उपस्थित राहावे असे आवाहन अ.भा.माळी महासंघाचे तालुकाध्यक्ष तथा कार्यक्रमाचे निमंत्रक पांडूरंग निकोडे यांनी केले आहे.

साभार :- देशोन्नती